श्री रामचन्द्र कृपालु भजमन हरण भवभय दारुणम्।
नवकंज लोचन कंज मुख कर कंज पद कंजारुणम्॥

कन्दर्प अगणित अमित छवि नव नील नीरद सुन्दरम्।
पट पीत मानहु तड़ित रुचि शुचि नौमि जनक सुतावरम्॥

भजु दीनबन्धु दिनेश दानव दैत्यवंश निकन्दनम्।
रघुनन्द आनन्दकन्द कौशलचन्द दशरथ नन्दनम्॥

सिर मुकुट कुण्डल तिलक चारु उदारु अंग विभूषणम्।
आजानुभुज शर चापधर संग्राम जित खरदूषणम्॥

इति वदति तुलसीदास शंकर शेष मुनि मन रंजनम्।
मम हृदय कंज निवास कुरु कामादि खल दल गंजनम्॥

मनु जाहि राचेउ मिलिहि सो बरु सहज सुन्दर सांवरो।
करुना निधान सुजान सीलु सनेहु जानत रावरो॥

एहि भांति गौरी असीस सुनि सिय सहित हिय हरषी अली।
तुलसी भवानिहि पूजि पुनि-पुनि मुदित मन मन्दिर चली॥

जानि गौरि अनुकूल सिय हिय हरषु न जाइ कहि।
मंजुल मंगल मूल बाम अंग फरकन लगे॥

सियावर रामचन्द्र की जय !
पवनसुत हनुमान की जय !
उमापति महादेव की जय !
स्वामी तुलसीदास जी की जय !